L'Anguleru

viernes, 21 de mayo de 2021

EL RAMÍN DE NADAL. VILLANCICU ASTURIANU

Esti cantar de Nadal quier asoleyar la formosa tradición del Ramu Nadal. L'árbol de Navidá autóctonu.

Lletra: Víctor Raúl Pintado Rey -Vitu- Música: Noelia Suárez Veira

Ver vídeu

domingo, 26 de abril de 2020

III CORTEXU´L NATALIEGU - 2019

El Cortexu´l Nataliegu d'Abiyés ye un pasucáis del Tueru Nadal d'Asturies. Acompañen al Nataliegu, L'Anguleru y los Llendadores. Ta presente tamién l'árbol de la Navidá asturina, nomáu Ramu Nadal.

VÍDEU. ECHAI-Y UNA GÜEYADA

V-FOLIXA DE NADAL O NAVIDÁ -2019

La Folixa de Nadal ye una xolda de Navidá pa la reciella que tien como protagonistes a L'Anguleru, los Llendadores, al Ramu Nadal y al Nataliegu.

VÍDEU: ECHAI-Y UNA GÜEYADA

martes, 1 de enero de 2019

EL NATALIEGU LLUZ DEL NADAL ASTURIANU

Lleer artículu de "La Voz d'Avilés -El Comercio-"

Artesanos de "El Castillu" dan vida al «Nataliegu»
Les asociaciones «Llendadores de suaños» ya «Garabuxada» llanzáronse esti añu a la gueta d'un 'caborniu carbayu', un tueru vieyu y güecu de carbayu que pudiere convertise en Nataliegu. Atopáronlu nun pileru de lleña de Sobrevil.la una pequena aldega'l conceyu de Teberga, y n'esplicando les sos intenciones a los sos dueños, Gerardo García y Marta Elena González, llograron salvalo de la quema.

Una vegada consiguíu'l tueru, Juan Carlos Fernández, el tallista d'El Castiellu, encargose de da-y forma a la cara. Dempués donó la so obra col fin de contribuyir a asoleyar una de les tradiciones navidiegues más ancestrales, el tueru de Navidá que se quemar en Nuechebona para dar proteición ya felicidá a les cases asturianes.

Clara Isabel Álvarez, muyer del artesanu ya José Enrique Pudilo, el so cuñáu, fixeron la restauración del tueru.

sábado, 29 de diciembre de 2018

TARXETES YA MARCAPÁXINES DEL NADAL ASTURIANU

Congracia de Nadal

Tarxeta pa pidir los agasayos de Navidá

Marcapáxines de Nadal

RAMU NADAL DEL CRA CASTRILLÓN-ILLAS

En 2018 el Centru Rural Agrupáu Castrillón-Illas tevo'l so Árbol de Navidá autóctonu,

El Ramu Nadal.

Semeyes del Ramu Nadal que fixeron les families, la reciella y les mayestres y mayestros del

CRA Castrillón-Illas

Lo más marniego ye ver el Ramu Nadal con 12 veles inda munchos autores, ente ellos l'etnógrafu asturianu Alberto Álvarez Peña (Berto Peña), piensen qu'esto sedría una versión relixosa posterior ya que'l ramu más antiguu nun llevaría veles.

Ramos d'influyencia relixosa (con veles)

Ramos más zardonos (ensin veles)

Alberto Álvarez Peña

martes, 25 de diciembre de 2018

II CORTEXU DEL NATALIEGU

Asturnews

La Nueva España

El comercio - La Voz de Avilés

LOLINA LA RULERA AGASAYA CON XUEGOS DIDÁUTICOS LES ESCUELES DEL CRA DE CASTRILLÓN-ILLAS

La Nueva España

EL ELENCO DE LA NAVIDAD MÁGICA AVILESINA

LA ILUSIÓN AMARILLA SALE A LA CALLE

La Nueva España

IV FOLIXA DE NADAL 2018

El comercio - La Voz de Avilés

La Nueva España

EL GRUPU «¿AÚ?» PRESENTA NA IV FOLIXA DE NADAL (NAVIDÁ) LA SO VERSIÓN DEL VILLANCICU´L NATALIEGU

Asturies.com

La Nueva España

El comercio-La Voz de Avilés

lunes, 24 de diciembre de 2018

YE L'ANGULERU -ÑUEVU VILLANCICU-

Ver videu músical

PER UN MOMENTU -ÑUEVU VILLANCIU NAVIDIEGU-

UN MAYESTRU'L COLEXU RURAL AGRUPÁU COMPÓN UN VILLANCICU N'ASTURIANU

Lleer artículu -El comercio-

Lletra del Cantar "Per un momentu"

Una lluz relluma nel cielu

Y nun sé qué podrá ser.

Los marcianos, un meteoritu…

Vete tu a saber.

Voi mirar el calendariu

Queda yá mui poco d’él.

Esta ye la última fueya.

Pon “avientu” otra vez.

Nel colexu tamos serios

Y lleendo ensin parar.

Estos profes nun s’enteren,

Ye’l catálogu del ToysR’Us.

Escoyendo los xuguetes

Toos s’engarren por velos

¡Taba yo, pa qué te metes!

¡Quita que llegué primero!

(Estrib.)

Per un momentu vi la Navidá

Nun son regalos, sinón lo que das.

Agora en tos manes yá ta lo meyor.

Aquella lluz significa “Amor”.

Agora siento les campanes

Y el soníu del tambor.

Tintinia’l cascabel.

La Navidá yá llegó.

Los cascabeles son mios suaños

Y tos pasos el tambor.

Les campanes que sentíes

El nuestru corazón.

(Estrib.)

Per un momentu vi la Navidá.

Nun son regalos, sinón lo que das.

Agora en tos manes yá ta lo meyor.

Aquella lluz significa “Amor”.

domingo, 16 de diciembre de 2018

VILLANCICU´L NATALIEGU -¿AÚ?- VERSIÓN FOLK

Ver el videu del "Villancicu´l Nataliegu"

ASPEUTOS LLINGÜÍSTICOS D’INTERÉS SOBRO LA LLETRA DEL VILLANCICU´L NATALIEGU

L’estribillu del cantar intenta asoleyar unos versos del Romance de Galancina que faen referencia a les fogueres de Nadal.

¿Pa qué queréis tanta lleña?

¿Pa qué queréis tanta «lá»?

Si nun tamos na Navidá / Nun siendo por (per) Navidá.

Esclariar a esti respeuto que'l términu «lá» paez que nun tendría nengún significáu, siendo un vocablu que tien únicamente como oxetivu buscar la rima. Otres hipótesis defenden que’l términu «lá» podría equivaler al alverbiu de tiempu «yá», pero por respetu al romance nun se camudó. Gráficamente decidióse poner ente comines y con tilde na vocal «á» pa diferencialu del artículu y macar la fuercia rímica na vocal.

Nel últimu versu del estribillu, «nun siendo por Navidá», optóse pola preposición «por», entendiendo esti versu como una autorrempuesta a la entruga ¿pa qué queréis tanta lleña?, si nun fora por causa de la Navidá, ye dicir, nun siendo por mor de les celebraciones de Nadal.

Desurdir tamién qu'apaez escritu «(e)na» por cuestiones rítmiques del cantar, siendo conscientes los autores de que la norma ortográfica namái permite la forma «na» pa la contraición de la preposición «en» y l’artículu femenín «la».

VILLANCICU´L NATALIEGU

Versión del Grupu Folk «¿Aú?»

Música: Reyes Duarte. Lletra: Víctor Raúl Pintado Rey, «Vitu»

Igües y adautación de lletra y música Grupu Folk ¿Aú?

LLENDADORES DEL LLUME

BIEN PEGADINOS AL LLAR

¿PA QUÉ QUERÉIS TANTA LLEÑA?

¿PA QUÉ QUERÉIS TANTA «LÁ»?

LLENDADORES DEL LLUME

BIEN PEGADINOS AL LLAR

¿PA QUÉ QUERÉIS TANTA LLEÑA?

NUN SIENDO «POR» NAVIDÁ

Pa facer duces bollinos

que nos vien a regalar

pa milenta rapacinos,

el tuerín de Navidá.

LLENDADORES…

Pa quemar el Nataliegu

«(e)na» nueche de Nadal,

y coyer xaramoquinos

que bayura nos van dar.

LLENDADORES…

P’amagostar les castañes

llambionaes a fartar

ñueces, ablanes, bizcuechos,

chicolate pa moyar.

Colái, andancies y plagues

marchái cola gafedá

colái bruxes y culiebres

que tamos en Navidá.

miércoles, 5 de diciembre de 2018

IV FOLIXA DE NADAL ya II CORTEXU DEL NATALIEGU

Táis toes ya toos convidaos a la IV FOLIXA DE NADAL o Navidá.

Vienres 14 d’avientu a les 19:00 hores. Entrada llibre fasta enllenar aforu.

Pal II CORTEXU DEL NATALIEGU precisamos llendadores, neños ya mayores vistíos d'asturianu/a o con traxe d'agües que mos acompañen demientres el percorríu del Cortexu. Sábadu 22 d’avientu a les 12:45 hores (Plaza Domingo Álvarez Acebal)

¡ANIMAVOS, VA PRESTAVOS!

miércoles, 22 de agosto de 2018

VILLANCICU´L NATALIEGU - LLETRA Y PARTITURA

Dempués del ésitu del Villancicu L’Anguleru, Reyes Duarte agasayanos col Villancicu´l Nataliegu. La lletra, del mestru Vitu –Víctor R. Pintado Rey-, intenta asoleyar los versos del Romance de Galancina que faen referencia a esti vezu asturianu y européu tan antiguu.

LLETRA’L VILLANCICU´L NATALIEGU