L'ANGULERU Y EL LLENDADOR DEL RÍU. Felicitación ñavidiega.

      Dibuxu de El Llendador: Raúl Pintado. - Dibuxu L'Anguleru: Tensi Cuétara. 

      Tratamientu informáticu: Verónica Pulido.

Llendador del Ríu

EL LLENDADOR DEL RÍU. Felicitación ñavidiega.

    Dibuxu: Raúl Pintado - Tratamientu informáticu: Verónica Pulido

LA MAXA DE L'ANGULERU

Axúntovos un testu lliterariu formosu  que la Mayestra d'Infantil Charo Quintana Fernández apúrrenos a tolos amantes de L'Anguleru. 

LA MAXA DE L’ANGULERU

Fai díes que L’Anguleru, que sabe lleer nes corrientes marines, prepara'l serazu y la llámpara de carburu. Los esguinos de l'anguila avérense, lleven viaxando trés años y dispónense a remontar el ríu onde'l pescador, paciente, espera. Él conoz les artes de la pesca, entiende'l llinguaxe d'esos pequeños ensames plateaos que van y vienen dende la mar de los Sargazos.

Les angules lleguen, como cada añu, a la so cita col Nalón. De secute, una nueche, un 24 d'avientu, L’Anguleru, oi soníos y estrema pequeños cocos de lluz allumando les foles; decátase de que los pexes xueguen y fáenlo coles ayalgues qu'escuenden les fondures del océanu. Como si d'un símbolu se tratare, harpes de ballena, coloríos paracayíes d'aguamala y fasta sorprendentes carreres de caballinos de mar animen el pasu de les angules, esos seres marinos perpequeños. La caravana anuncia tiempos de bonanza, alita'l ciclu de la vida nel pueblu; la xente mira nel calendariu'l momentu de la so llegada y fasta los neños escuchen llatir una sonadiella especial na redolada.

Dalgunos albidren, pero namás L’Anguleru sabe'l significáu d'asemeyáu espectáculu, ye consciente del guapu regalu que la naturaleza ufierta, una vegada más, porque los esguinos guarden so la piel sedoso’l milagru d'un tiempu especial: les hores de la Nuechebona cuando nos llagos, regueros, pequeños y grandes ríos apaez el barcu de L’Anguleru cargáu colos suaños de los neños y les neñes. Suaños que se tresformen en xuguetes al llegar a cada casa p'alitar la maxa de lo posible, l'inmensu placer de les bullindiegues rises infantiles.

Charo Quintana Fernández

Mayestra d'Infantil

EL MIO GÜELU YE L'ANGULERU

Olga Cuervu relluma col so ñuevu espectáculu "Mio güelu ye L'Anguleru"

VILLANCICU L'ANGULERU

Axúntovos la lletra d'esti formosu villancicu de L'Anguleru.

Podéis oyer el cantar en: http://languleru.com/el-villancico/

L'ANGULERU. LA HESTORIA L'ANGULERU

Y alcordavos que pa ganar la garulla, nun escaezáis dexar a los pies del árbol de Ñavidá o xunto al Ñacimientu una boina prieta, una montera picona o un gorru de llana, con daqué de comida y bébora pa que reponga fuercies L'Anguleru.

L'ANGULERU. EL LLENDADOR DEL RÍU

¡Á COLLACIOS!

PRENSÉNTOVOS AL AGABITADOR DE L'ANGULERU. EL LLENDADOR DEL RÍU.

El Llendador del ríu faló sobro´l cuidu de les anguiles nos ríos de la nuesa redolada y esplicotió a les neñes y neños de Tinéu la importancia de caltener llimpios los calces asturianos.

Dempués dio-yos unes llambionaes y recordólos que nun s'escaerieren d'escribir la carta a L'Anguleru.