L'Anguleru. ¿Quién son los Llendadores del Ríu/a?

Son los "Agabitadores de L'Anguleru", Muyeres y homes, neños y neñes encargaos de protexer los nuesos calces demientres tol añu. Desenvuelven llabores de cuidu, llimpieza y repoblamientu. Si quies collaborar con ellos na defensa y proteición de la natura, tú tamién vas poder convertite n'unu d'ellos o d'elles.

Ente toos estos agabitadores, namás unos pocos tienen el privilexu de collaborar con L'Anguleru, los nomaos "Mestros Llendadores" que encárguense de recoyer les cartes y de repartir en Nuechebona, xunto a elli, "L'Agasayu" (la garulla y dalgún detallín guapu).

 

L'Anguleru. ¿Quién ye L'Anguleru?

¿QUIÉN YE L'ANGULERU?

L’Anguleru ye un pescador asturianu bonaz y amorosiegu. Vive na Mar de los Sargazos curiando del mediu marín. N'avientu torna a Asturies pa pescar angules. Coles perres que saca de vendeles na rula, merca llambionaes y regalinos que reparte en Nuechebona a bordu del so chalanu, llamáu “L’Angulina”.

Nuevu dibuxu L'Anguleru 2015

L'Anguleru. Nuevu dibuxu pa coloriar n'asturianu, castellán ya inglés

Yá pues coloriar les nueves congracies (felicitaciones) navidiegues de L'Anguleru 2015 n'asturianu, castellán ya inglés.

N'asturianu

En castellán

N'inglés

L'Anguleru. Nadal o Navidá/Ñavidá. Nuevos dibuxos

N'asturianu puen utilizase los términos Nadal o Navidá pa esti tiempu nel que se celebra’l ñacimientu de Xesucristu.

Sabíes que L'Academia de la Llingua Asturiana reconoz igualmente correutos los términos Navidá y Ñavidá.

L'ANGULERU DEPRIENDE INGLÉS

L'Anguleru fala inglés.

Isabel Val torna El cuentu de L'Anguleru al inglés.
Puedes descargalo de baldre na web oficial http://languleru.com/


Espublizáu nel diariu "La Nueva España, Comarca de Avilés" (xueves 10 d'avientu de 2015)



Espublizáu nel diariu "El Comercio, La Voz de Avilés" (xueves 10 d'avientu de 2015)

L'Anguleru na programación navidiega.

NAVIDÁ 2015

L'Anguleru na programación navidiega d'Avilés y Xixón.

Exemplu: Programación navidiega d'Avilés

L'Anguleru 2015

NADAL 2015

Demientres los meses de payares y avientu de 2015 trabayemos enforma nos colexos asturianos y L’Anguleru y los sos agabitadores los Llendadores del Ríu/a volvieron ser los protagonistes d’esti tiempu .

Axuntámosvos les nueves llámines didáutiques, los catelos, les congracies navidiegues d’anguaño y delles noticies de periódicu.

Entamaos con un exemplu de la esperiencia educativa que se desenvolvió nel Colexu Públicu Marcelo Gago d'Avilés 



Espublizáu nel diariu "La Nueva España, Comarca de Avilés" (xueves 17 d'avientu de 2015)