L'ANGULERU. EL NATALIEGU CON BOLLINOS Y MOÑINES

EL NATALIEGU

Según David Guardado Díez, el 24 d'avientu tenía presencia en munches cases asturianes el Nataliegu, un tueru d'un árbol (les más de les vegaes de carbayu) qu'ardía tola nueche. El día 25 pela mañana garrábase cuando yá morría´l fueu y guardábase fasta l'añu siguiente esperando que llevare la proteición y la felicidá al llar o dexábase como puntu d'apoyu pa sofitar la lleña que se quemaba pa faer el fueu nel añu qu'entamaba. 

L'etnógrafu asturianu Berto Peña (Álberto Álvarez Peña) recoye que nel sieglu VI (d.c.) Martín Dumiense obispu de Braga, nes sos "Correctiones Rusticorum" al falar de los cultos paganos de los Ástures diz que faen ufriendes a los tueros de los árboles. Per otru llau, Xuan Fernández Piloñeta, collaciu de Bertu Peña en Belenos, recoyó en Llavina qu'amás de too el ritual enantes comentáu, faíen unos bollinos de mantega, azucre, güevos y lleche que daben a los rapacinos.

A esti respeuto, Berto Peña recuérdamos que n'Aragón sobro'l Tueru de Nadal asitiábase una torta ritual con un furacu central nel que vertíase vinu ranciu. La torta ufríase al tueru. Esta ufrienda faíala el más pequeñu´l llar. 

Nataliegu con bollinos y moñines

Axuntámosvos dibuxos del Nataliegu pa coloriar n'asturianu, castellán ya inglés.

N'asturianu

En castellán

N'inglés

L'ANGULERU. LA FOGUERA'L NATALIEGU

LA FUMAZA O FOGUERA'L NATALIEGU

Como yá facíen los nuesos antepasaos ástures, L’Anguleru y Los Llendadores del Ríu/a siguen festexando la tradicional Foguera’l Nataliegu, quemando un grandísimu tueru de carbayu. D’elli va nacer el llume sagrao del Nataliegu, colo que van prender el farolín máxicu de carburu que va enllenar de lluz ya ilusión la Navidá asturiana.

Axuntámosvos tamién un dibuxu de la Foguera'l Nataliegu pa coloriar.

Sabíes que L'Academia de la Llingua Asturiana reconoz igualmente correutos los términos Nacer y Ñacer.

L'Anguleru. L'Agasayu

L’AGASAYU

Si queréis que L'ANGULERU vos traya la garulla y dalgún detallín guapu, vais tener que portavos perbién demientres tol añu y dexar al llau del Nataliegu, xunto al Nacimientu o a los pies del árbol de Nadal, un gorru d'esos que tanto-y presten a L’Anguleru.

Sabíes que L'Academia de la Llingua Asturiana reconoz igualmente correutos los términos Nacimientu y Ñacimientu.

L'ANGULERU. I FOLIXA DE NADAL

I FOLIXA DE NADAL

EL 12 d'avientu de 2015 celebróse la primer Folixa de Nadal n'Avilés, na Factoría Cultural a les 18:00 hores.

Actividaes:

1º Prensentación de la torna del Cuentu L'Anguleru del asturianu al inglés (Tornáu al inglés por Isabel Val)

2º Cuentacuentos pa presentar a los "Mestros Llendadores de la Ría de Avilés/Abiyés" (Interpretáu por Isabel Val y por Vitu Pintado)

3º L'Allugamientu del Nataliegu

4º Recoyida de les cartes de L'Anguleru y apurrimientu de L'Agasayu de los Llendadores de la Ría d'Avilés/Abiyés (pequeñu detallín y dalguna llambionada pa la reciella que foi entregáu por Lolina La Rulera y Xesús El Ruleru)

Axuntamos delles semeyes del actu

L'Anguleru. ¿Quién ye Lolina La Rulera?

¿Quién ye Lolina La Rulera?

Lolina La Rulera ye la Mestra Llendadora de la Ría d'Avilés/Abiyés.

Lolina foi telefonista y auxiliar de caxa de la Rula d'Avilés.

L'Anguleru. ¿Quién ye Xesús El Ruleru?

¿Quién ye Xesús El Ruleru?

Xesús El Ruleru ye´l Mestru Llendador de la Ría d'Avilés/Abiyés.

Amás del primer ruleru foi, pescador y anguleru de la ría d'Avilés.

L'Anguleru. Los Mestros Llendadores de la Ría d'Avilés/Abiyés

La contorna d'Avilés presenta a los Mestros Llendadores de la Ría de Avilés/Abiyés

El términu Abiyés ye'l vocable que-y gusta utilizar a los Mestros Llendadores de la Ría. Esti términu se sofita nel nome que se-y da a Avilés na dómina medieval ("Abilles") que tien que ver col nome de persona Abilius. Abiyés sedría una propuesta lléxicografía actual incorporando la tilde ya la "y" (como asocede con otres pallabres, Exemplu: "curriculum/currículu").

Delles noticies que falen d'ellos

Mestros Llendadores de la Ría d'Avilés/Abiyés. El comercio

Mestros Llendadores de la Ría d'Avilés/Abiyés. Lne

Mestros Llendadores de la Ría d'Avilés/Abiyés. La Voz de Avilés 13-12-2015

Mestros Llendadores de la Ría d'Avilés. http://asturnews.com

Mestros Llendadores de la Ría d'Avilés/Abiyés. http://asturies.com