Congracia de Nadal
Tarxeta pa pidir los agasayos de Navidá
Marcapáxines de Nadal
sábado, 29 de diciembre de 2018
RAMU NADAL DEL CRA CASTRILLÓN-ILLAS
En 2018 el Centru Rural Agrupáu Castrillón-Illas tevo'l so Árbol de Navidá autóctonu,
El Ramu Nadal.
Semeyes del Ramu Nadal que fixeron les families, la reciella y les mayestres y mayestros del
CRA Castrillón-Illas
Lo más marniego ye ver el Ramu Nadal con 12 veles inda munchos autores, ente ellos l'etnógrafu asturianu Alberto Álvarez Peña (Berto Peña), piensen qu'esto sedría una versión relixosa posterior ya que'l ramu más antiguu nun llevaría veles.
Ramos d'influyencia relixosa (con veles)
Ramos más zardonos (ensin veles)
Alberto Álvarez Peña
martes, 25 de diciembre de 2018
lunes, 24 de diciembre de 2018
PER UN MOMENTU -ÑUEVU VILLANCIU NAVIDIEGU-
UN MAYESTRU'L COLEXU RURAL AGRUPÁU COMPÓN UN VILLANCICU N'ASTURIANU
Lletra del Cantar "Per un momentu"
Una lluz relluma nel cielu
Y nun sé qué podrá ser.
Los marcianos, un meteoritu…
Vete tu a saber.
Voi mirar el calendariu
Queda yá mui poco d’él.
Esta ye la última fueya.
Pon “avientu” otra vez.
Nel colexu tamos serios
Y lleendo ensin parar.
Estos profes nun s’enteren,
Ye’l catálogu del ToysR’Us.
Escoyendo los xuguetes
Toos s’engarren por velos
¡Taba yo, pa qué te metes!
¡Quita que llegué primero!
(Estrib.)
Per un momentu vi la Navidá
Nun son regalos, sinón lo que das.
Agora en tos manes yá ta lo meyor.
Aquella lluz significa “Amor”.
Agora siento les campanes
Y el soníu del tambor.
Tintinia’l cascabel.
La Navidá yá llegó.
Los cascabeles son mios suaños
Y tos pasos el tambor.
Les campanes que sentíes
El nuestru corazón.
(Estrib.)
Per un momentu vi la Navidá.
Nun son regalos, sinón lo que das.
Agora en tos manes yá ta lo meyor.
Aquella lluz significa “Amor”.
Aquella lluz significa “Amor”.
domingo, 16 de diciembre de 2018
VILLANCICU´L NATALIEGU -¿AÚ?- VERSIÓN FOLK
ASPEUTOS LLINGÜÍSTICOS D’INTERÉS SOBRO LA LLETRA DEL VILLANCICU´L NATALIEGU
L’estribillu del cantar intenta asoleyar unos versos del Romance de Galancina que faen referencia a les fogueres de Nadal.
¿Pa qué queréis tanta lleña?
¿Pa qué queréis tanta «lá»?
Si nun tamos na Navidá / Nun siendo por (per) Navidá.
Esclariar a esti respeuto que'l términu «lá» paez que nun tendría nengún significáu, siendo un vocablu que tien únicamente como oxetivu buscar la rima. Otres hipótesis defenden que’l términu «lá» podría equivaler al alverbiu de tiempu «yá», pero por respetu al romance nun se camudó. Gráficamente decidióse poner ente comines y con tilde na vocal «á» pa diferencialu del artículu y macar la fuercia rímica na vocal.
Nel últimu versu del estribillu, «nun siendo por Navidá», optóse pola preposición «por», entendiendo esti versu como una autorrempuesta a la entruga ¿pa qué queréis tanta lleña?, si nun fora por causa de la Navidá, ye dicir, nun siendo por mor de les celebraciones de Nadal.
Desurdir tamién qu'apaez escritu «(e)na» por cuestiones rítmiques del cantar, siendo conscientes los autores de que la norma ortográfica namái permite la forma «na» pa la contraición de la preposición «en» y l’artículu femenín «la».
VILLANCICU´L NATALIEGU
Versión del Grupu Folk «¿Aú?»
Música: Reyes Duarte. Lletra: Víctor Raúl Pintado Rey, «Vitu»
Igües y adautación de lletra y música Grupu Folk ¿Aú?
LLENDADORES DEL LLUME
BIEN PEGADINOS AL LLAR
¿PA QUÉ QUERÉIS TANTA LLEÑA?
¿PA QUÉ QUERÉIS TANTA «LÁ»?
LLENDADORES DEL LLUME
BIEN PEGADINOS AL LLAR
¿PA QUÉ QUERÉIS TANTA LLEÑA?
NUN SIENDO «POR» NAVIDÁ
Pa facer duces bollinos
que nos vien a regalar
pa milenta rapacinos,
el tuerín de Navidá.
LLENDADORES…
Pa quemar el Nataliegu
«(e)na» nueche de Nadal,
y coyer xaramoquinos
que bayura nos van dar.
LLENDADORES…
P’amagostar les castañes
llambionaes a fartar
ñueces, ablanes, bizcuechos,
chicolate pa moyar.
Colái, andancies y plagues
marchái cola gafedá
colái bruxes y culiebres
que tamos en Navidá.
miércoles, 5 de diciembre de 2018
IV FOLIXA DE NADAL ya II CORTEXU DEL NATALIEGU
Táis toes ya toos convidaos a la IV FOLIXA DE NADAL o Navidá.
Vienres 14 d’avientu a les 19:00 hores. Entrada llibre
fasta enllenar aforu.
Pal II CORTEXU DEL NATALIEGU precisamos llendadores, neños ya mayores
vistíos d'asturianu/a o con traxe d'agües que mos acompañen demientres el
percorríu del Cortexu. Sábadu 22 d’avientu a les 12:45 hores (Plaza Domingo Álvarez
Acebal)
¡ANIMAVOS, VA PRESTAVOS!
miércoles, 22 de agosto de 2018
VILLANCICU´L NATALIEGU - LLETRA Y PARTITURA
Dempués del ésitu del Villancicu L’Anguleru, Reyes Duarte
agasayanos col Villancicu´l Nataliegu. La lletra, del mestru Vitu –Víctor R.
Pintado Rey-, intenta asoleyar los versos del Romance de Galancina que faen
referencia a esti vezu asturianu y européu tan antiguu.
LLETRA’L VILLANCICU´L
NATALIEGU
PARTITURA´L
VILLANCICU’L NATALIEGU
PARTITURA´L
VILLANCICU’L NATALIEGU TAMAÑU A-4
VIDEU´L CORÍN E.M.
MIERES NA -III FOLIXA DE NADAL- D’AVILÉS
VIDEU´L CORÍN E.M.
MIERES NOS ENSAYOS
VIDEU DE REYES DUARTE
ENTONANDO´L SO CANTAR
SEMEYA SOBRO´L PROCESU
DE COMPOSICIÓN MUSICAL
LLAMBIONAES DE NADAL - DUCES DE NAVIDÁ
Axuntamos n’asturianu y en eonaviego (fala) unes propuestes del pasteleru d’Emilio Vidal basaes en recetes tradicionales asturianes.
ASTURIANU
EONAVIEGU - FALA
DELLES PROPUESTES DIDÁUTIQUES PAL LLIBRU “UN NATALIEGU PERBULLINDIEGU”.
CUBIERTA DE LOS LLIBROS
MARCAPÁXINES
DIBUXOS PA COLORIAR
XEBRADURES
TARXETES DE XUEGU
MARCAPÁXINES
DIBUXOS PA COLORIAR
XEBRADURES
TARXETES DE XUEGU
VOCABULARIU
NATALIEGU: RIMA
EL ROMANCE DE GALANCINA
RIMA´L NATALIEGU
Nesti romance alcontramos resclavos de les fogueres de Nadal, atopamos
versiones nos conceyos de Casu, Piloña, Amieva, Ayer, Ponga, Quirós, Miranda,
Grau, Tinéu, Valdés, Cangas del Narcea, Degaña o Ibias. Nuna versión
d’Eirrondu, Bisuyu (Cangas del Narcea) diz:
¿Pa qué queréis tanta lleña,
pa qué queréis tanta lá?
si nun tamos na Navidá.
RIMA´L NATALIEGU
A partir d’esti romance el mestru Vitu –Víctor R. Pintado
Rey- ellabora esta rimina que anguaño la reciella llee cuando faen la
ufrienda´l Nataliegu.
Miguel Rodríguez Monteavaro fai una formosa torna al eonaviegu (fala) tomando como referencia la versión del Romance de Galancina recoyida a
Maruja del Regueiro de L. l.andelfornu,
nel conceyu de Villayón (que vive en Eirías).
¿Pra qué queren tanta lleña
nun sendo por Navidá?
ROMANCE
RIMA DEL NATAREGO
(EONAVIEGO – FALA)
Suscribirse a:
Entradas (Atom)